|
|
ՄՐՑՈՒՅԹԻ ՊԱՅՄԱՆՆԵՐԸ
Բովանդակային, տեխնիկական, քանակական
Մրցույթի են ընդունվում ցանկացած գունայնության լուսանկարներ, որոնցում պատկերված են Զ.Բախշինյանի, Ա.Տեր-Ավետիքյանի, Կ.Հակոբյանի եւ Ռ.Իսրայելյանի կառույցները, դրանց ներսույթները, ճակատները, մանրամասերը, այդ շինություններն ընդգրկող բնապատկերներ, տեսարաններ, ինչպես նաեւ պատկերված են հիշյալ կառույցներով ստեղծված միջավայրում ընթացող կյանքի ուշագրավ դրվագներ: Կառույցների ցուցակը բերված սույն թերթիկի հակառակ կողմում եւ մրցույթի կայքում՝ http://contest.tamanyan.org.
Ընդունվում են միայն իրապաշտական աշխատանքներ:
Մրցույթն ընթանում է ըստ թղթատիպ եւ ցանցային տարբերակների: Թղթատիպ եւ ցանցային տարբերակներն ինքնուրույն են եւ գնահատվելու են անկախ միմյանցից:
- Թղթատիպ տարբերակում յուրաքանչյուր մասնակից կարող է ներկայացնել 30x40սմ-ը չգերազանցող չափի լուսանկարներ` առավելագույնը՝ 4 աշխատանք յուրաքանչյուր անվանակարգում:
- Ցանցային տարբերակում յուրաքանչյուր մասնակից կարող է ներկայացնել ըստ երկար կողմի 640 pixel կետայնության լուսանկարներ՝ առավելագույնը՝ 10 աշխատանք յուրաքանչյուր անվանակարգում:
*****
Մրցույթի անվանակարգերը
- Ճարտարապետական կառույց
(ճակատ, հեռանկար, ներսույթ, մանրամաս)
- Մարդը ճարտարապետական միջավայրում
- Կորուստներ
Վերջին՝ «Կորուստներ» անվանակարգը կոչված է արտացոլելու այդ կառույցների եւ համակառույցների նկատմամբ ներկայիս անհանդուրժելի վերաբերմունքը: Կոչ ենք անում մասնակիցներին բացահայտել դրանք փչացնելու, աններդաշնակ համալրումներով աղավաղելու անթուլատրելիությունը:
*****
Աշխատանքների ընդունումը, ժամկետները
Մասնակիցները հայտնում են որոշ տեղեկություներ իրենց և ներկայացվելիք լուսանկարների մասին`
- Թղթատիպ տարբերակի դեպքում՝ լրացնելով սույն թերթիկի հակառակ կողմում բերված հայտագրի ձեւը
- Ցանցային տարբերակի դեպքում՝ մրցույթի կայքում գրանցման միջոցով
Աշխատանքներն ընդունվում են մինչեւ 2009թ. ապրիլի 5-ը՝ Ալ. Թամանյանի թանգարան-ինստիտուտում ամեն օր բացի երկուշաբթի եւ երեքշաբթի օրերից, ժամը 11-ից 18-ը, կամ փոստով՝ Երեւան, կառավարական շենք 3, Ալ. Թամանյանի թանգարան-ինստիտուտ հասցեով: Պատկերային ֆայլերն ընդունվում են նաեւ մրցույթի կայքում (http://contest.tamanyan.org/)
Աշխատանքների ցուցահանդեսի բացման ու մրցանակաբաշխության օրը, ժամը եւ վայրը կհրապարակվեն մրցույթի կայքում եւ կհայտնվեն մասնակիցներին էլեկտրոնային նամակների եւ SMS-ների միջոցով:
*****
Իրավաբանական, կազմակերպչական
Մրցույթին ներկայացված բոլոր աշխատանքների հեղինակային իրավունքները շարունակում են պատկանել հեղինակներին: Մրցանակների արժանացած լուսանկարների օրինակները դառնում են թանգարանի սեփականությունը: Մնացյալ լուսանկարները վերադարձվում են հեղինակներին մրցույթի ամփոփիչ ցուցահանդեսից հետո:
Մրցույթի կազմկոմիտեն իրեն վերապահում է ներկայացված աշխատանքները ոչ շահութաբեր նպատակներով օգտագործելու իրավունք եւ պարտավորվում դրանք ցուցադրելու կամ հրապարակելու դեպքում նշել հեղինակների անունները:
*****
Աշխատանքների ընդունումը, ժամկետները
Մասնակիցները հայտնում են որոշ տեղեկություներ իրենց և ներկայացվելիք լուսանկարների մասին`
- Թղթատիպ տարբերակի դեպքում՝ լրացնելով սույն թերթիկի հակառակ կողմում բերված հայտագրի ձեւը
- Ցանցային տարբերակի դեպքում՝ մրցույթի կայքում գրանցման միջոցով
Աշխատանքներն ընդունվում են մինչեւ 2009թ. ապրիլի 5-ը՝ Ալ. Թամանյանի թանգարան-ինստիտուտում ամեն օր բացի երկուշաբթի եւ երեքշաբթի օրերից, ժամը 11-ից 18-ը, կամ փոստով՝ Երեւան, կառավարական շենք 3, Ալ. Թամանյանի թանգարան-ինստիտուտ հասցեով: Պատկերային ֆայլերն ընդունվում են նաեւ մրցույթի կայքում (http://contest.tamanyan.org/)
Աշխատանքների ցուցահանդեսի բացման ու մրցանակաբաշխության օրը, ժամը եւ վայրը կհրապարակվեն մրցույթի կայքում եւ կհայտնվեն մասնակիցներին էլեկտրոնային նամակների եւ SMS-ների միջոցով:
|